சமையல்

சில்லி சிக்கன்

2009-08-10T06:21:00.000-07:00

தேவையான பொருட்கள்:
_______________________
எலும்பில்லாத கோழி இறைச்சி : 1/2 கிலோ
மிளகாய்த்தூள் : 2 தே. கரண்டி (உங்கள் சுவைக்கேற்ப)
சோளமாவு: 1 தே. கரண்டி
முட்டை : 1
பச்சை மிளகாய்: 6 (உங்கள் தேவைக்கேற்ப)
இஞ்சி : ஒரு சிறு துண்டு
டொமாடோ சாஸ்: 4 தே.கரண்டி
சோயா சாஸ் : 2 தே. கரண்டி
சில்லி சாஸ்: 1 தே.கரண்டி
மஞ்சள் தூள் : சிறிதளவு
உப்பு தேவையான அளவு
எண்ணை பொரிக்க, தாளிக்க வெண்ணை 2 தே. கரண்டி
அஜினமோட்டோ தேவையென்றால் 1/2 தே.கரண்டி
செய்முறை
__________
*கோழி இறைச்சியை சுத்தமாக்கி சிறு துண்டுகளாக்கி வைத்துக்கொள்ளவும்.
*ஒரு முட்டையுடன் ஒரு தே. கரண்டி சோளமாவை நன்றாகக் கலந்து இறைச்சியுடன் சேர்க்கவும் உடன் மிளகாய்த்தூள், மஞ்சள் தூள், உப்பு, ஒரு தே. கரண்டி சோயா சாஸ் ஆகியவற்றை கலந்து 1/2 மணி நேரம் ஊறவிடவும்.
*ஒரு வாணலியில் எண்ணை ஊற்றி ஊறின இறைச்சியை கொஞ்சம் கொஞ்சமாக பொரித்து எடுக்கவும்.
*பச்சை மிளகாயை நீளவாக்கில் கீறிக்கொள்ளவும். இஞ்சியை பொடிதாக நறுக்கி வைத்துக்கொள்ளவும்.
*ஒரு வாணலியில் வெண்ணை போட்டு அது காய்ந்ததும் இஞ்சி மற்றும் பச்சை மிளகாயைப் போட்டு வதக்கவும். நன்றாக வதங்கியதும் பொரித்து வைத்திருக்கும் இறைச்சியையும் சேர்த்து கிளறவும்.
* சிறிது நேரம் சென்றபின் ஒரு தே.கரண்டி சோயா சாஸ்,சில்லி சாஸ், 4 தே. கரண்டி டொமாடோ சாஸ் போட்டு கிளறிவிடவும்.
சில்லி சிக்கன் தயார். பரோட்ட, சப்பாத்திக்கு சூப்பரா இருக்குங்க.
குறிப்பு:
_______
உங்களுக்கு விருப்பமானால் பச்சை மிளகாய்க்கு பதில் வரமிளகாய் போட்டுக்கொள்ளலாம்.
இஞ்சியை ஓரளவு சிறிதாக நறுக்கினால் போதும்.. உண்ணும்பொழுது அவ்வப்பொழுது சிக்கும் இஞ்சி துண்டுகளின் சுவை அலாதியாக இருக்கும்.
மிகவும் டிரையாக இருக்கவேண்டாமென்றால் பச்சை மிளகாய் வதக்கும் பொழுது சிறிது வெங்காயமும் சேர்த்து வதக்கிக்கொள்ளவும்.
உங்களுக்கு தேவையான அளவுக்கு காரத்தை போடுங்க.

பப்பாளி பழ அல்வா

2009-08-10T06:19:00.000-07:00

தேவையான பொருட்கள்:
பப்பாளி பழ துண்டுகள் : 3 கப்
சர்க்கரை : 3/4 கப் (உங்கள் தேவைக்கேற்ப)
நெய் : 4 தே. கரண்டி
காய்ச்சின பால் : 1/2 கப் (உங்கள் தேவைக்கேற்ப)
ஏலப்பொடி – சிறிதளவு
முந்திரி – 7
பாதாம் பருப்பு – 7
செய்முறை:
முந்திரி பருப்பை நெய்யில் வறுத்து சிறு துண்டுகளாக்கிக் கொள்ளுங்கள்.
பாதம் பருப்பை மெலிதாக நறுக்கிக்கொள்ளவும்.
அடி கனமான பாத்திரத்தில் சிறிது நெய்விட்டு பப்பாளி பழ துண்டுகளை போட்டு வதக்குங்கள்.
பச்சை வாடை போனதும் காய்ச்சின பாலை ஊற்றி நன்கு வேக விடவும்.
பப்பாளி குழைந்து வரும், அதனுடன் சர்க்கரை சேர்த்து கிளறி விடவும்.
அல்வா சுண்டிவரும்போது மீதமுள்ள நெய்விட்டு கிளறிவரவும்.
பாத்திரத்தில் அல்வா ஒட்டாமல் வரும்பொது முந்திரி, பாதாம், ஏலப்பொடி தூவி கிளறி இறக்கவும்.
பப்பாளி பழ அல்வா தயார்.
குறிப்பு:
பப்பாளி நன்றாக பழுத்ததாக இருக்கவேண்டும் (தோல் மஞ்சள் நிறமாக இருக்கும்)
பப்பாளி இயல்பாகவே இனிப்பு என்பதால் சர்க்கரை அளவை குறைத்துக்கொள்ளுங்கள்.
பழம் கிடைக்கவில்லையென்றால் பப்பாளிக்காயிலும் செய்யலாம்.
செய்முறை
பப்பாளிக்காயை தோல் நீக்கி துறுவிக்கொள்ளவும்.
சர்க்கரை 2 கப் பப்பாளிக்கு 1 கப் வீதம் போடலாம். (காயில் இனிப்பு குறைவு)
நிறத்துக்கு சிறிதளவு கேசரிபொடி உபயோகிக்கலாம்.
மற்ற செய்முறை மேற்கூறியவாறுதான்.

அம்மணிக் கொழுக்கட்டை

2009-08-10T06:17:00.000-07:00

தேவையான பொருள்கள்:

பச்சரிசி மாவு – 1 கப்
தண்ணீர் – 2 கப்
பச்சை மிளகாய் – 3
பெருங்காயம் – 1 சிட்டிகை
உப்பு – தேவையான அளவு (சுமார் 1 டீஸ்பூன்)
தேங்காய்த் துருவல் – 1 டேபிள்டீஸ்பூன் (விரும்பினால்)
தேங்காயெண்ணெய் – 2 டேபிள்ஸ்பூன்

தாளிக்க: தேங்காயெண்ணெய், கடுகு, உளுத்தம் பருப்பு, கறிவேப்பிலை.

செய்முறை:

பச்சை மிளகாய், உப்பு பெருங்காயத்தை மிக்ஸியில் போட்டு நன்கு அரைத்துக் கொள்ளவும்.
ஒரு கப் பச்சரிசி மாவை இரண்டு கப் தண்ணீரில் கட்டிகளில்லாமல் கரைத்துக் கொள்ளவும்.
கரைசலுடன் 2 டேபிள்ஸ்பூன் தேங்காயெண்ணெய் விட்டு அடுப்பில் வாணலியில் அடிப்பிடிக்காமல் கைவிடாமல் கிளறவும். (நான்ஸ்டிக் வாணலியில் எளிதாகவும் விரைவாகவும் செய்யலாம்.)
மாவு இறுக ஆரம்பிக்கும்போது அரைத்த விழுதையும் சேர்த்துக் கிளறவும். சுமார் 10 நிமிடத்துக்குள் மாவு வெந்து இறுகி வந்ததும் அடுப்பிலிருந்து இறக்கி ஆறவிடவும்.
ஆறிய மாவை சுண்டைக்காய் அளவு சிறுசிறு உருண்டைகளாக உருட்டிக் கொள்ளவும்.
ஒரு குக்கர் பாத்திரம் அல்லது இட்லிதட்டில் எண்ணெய் தடவி, உருண்டைகளை வைத்து குக்கரில் இட்லிவேக வைப்பதுபோல் வெயிட் போடாமல் ஒரு ஐந்து நிமிடம் மட்டும் வேகவைத்து எடுக்கவும்.
அடுப்பை அணைத்த உடனே திறந்து மின்விசிறி அடியில் ஆறவிடவும்.
அடுப்பில் வாணலியில் எண்ணெய் வைத்து, கடுகு, உளுத்தம் பருப்பு, கறிவேப்பிலை, தேங்காய்த் துருவல் தாளித்து, மெதுவாக உருண்டைகளைச் சேர்த்து உடையாமல் நாசுக்காகக் கிளறிவிடவும்.
கொழுக்கட்டைகளைச் சேர்த்தபின் ஒரு நிமிடம் மட்டும் அடுப்பில் வைத்திருந்து கிளறி இறக்கிவிடவும்.
* சூடாகவோ ஆறியோ எப்படிச் சாப்பிட்டாலும் சுவையாக இருக்கும்.

* கொழுக்கட்டை மாவு மிகுந்தாலும் இந்த மாதிரி செய்யலாம். தேவையான பச்சைமிளகாய், உப்பு, பெருங்காயம் அரைத்த விழுதை மாவிலேயே நன்கு கலந்துப் பிசைந்து உருண்டைகள் பிடித்து குக்கரில் வேகவைத்து மேலே சொன்னபடி தாளித்துக் கிளறவும்.

நிலக்கடலை சுண்டல்

2009-08-10T06:15:00.000-07:00

தேவையான பொருள்கள்:

நிலக்கடலை – 1 கிலோ
பச்சை மிளகாய் – 5
இஞ்சி – சிறிய துண்டு (விரும்பினால்)
தேங்காய் – 1 1/2 கப்
எள்- 1 டேபிள்ஸ்பூன்
கசகசா – 1 டேபிள்ஸ்பூன்
உப்பு – தேவையான அளவு

தாளிக்க: எண்ணெய், கடுகு, ஒரு காய்ந்த மிளகாய், பெருங்காயம், கறிவேப்பிலை.

செய்முறை:

நிலக்கடலையை இரண்டு மணிநேரம் தண்ணீரில் ஊறவைத்து நீரை வடிக்கவும்.
ஊறிய கடலையை ஒரு கப் தண்ணீர் சேர்த்து, குக்கரில் 3 விசில் வரை வைத்து நன்கு வேகவைத்து, மீண்டும் நீரை வடிக்கவும்.
எள், கசகசாவை வறட்டு வாணலியில் நன்கு வறுத்து மிக்ஸியில் நைசாகப் பொடிக்கவும். (வறுக்காவிடில் கசகசா மசியாது.)
இஞ்சி, பச்சை மிளகாய், தேங்காயை உப்பு சேர்த்து, தண்ணீர் விடாமல் மிக்ஸியில் அரைத்துக் கொள்ளவும்.
அடுப்பில் வாணலியில் எண்ணெய் வைத்து கடுகு, காய்ந்த மிளகாய், பெருங்காயம், கறிவேப்பிலை தாளிக்கவும்.
வேகவைத்த கடலை, அரைத்த விழுது சேர்த்து நன்கு நீர்ப்பசை இல்லாதவாறு வதக்கவும்.
இறக்கும் முன் அரைத்த பொடியைத் தூவி மேலும் இரண்டு நிமிடங்கள் கிளறி இறக்கவும்.
* மற்ற சுண்டல்களை விட நிலக்கடலை அதிகப் பித்தம் சேர்க்கும். இஞ்சி சேர்ப்பது நல்லது.

* எளிமையாக எதுவுமே அரைத்துவிடாமல், காய்ந்த மிளகாய் தாளித்து, தேங்காய்த் துருவல் மட்டும் சேர்த்தும் செய்யலாம்.

* சுண்டல் மிஞ்சினால் அரைத்துவிட்ட கூட்டு, குழம்பில் சேர்க்கலாம்.

பாகற்காய் தொக்கு

2009-08-10T06:13:00.000-07:00

தேவையான பொருட்கள்:

பாகற்காய் - பொடியாக நறுக்கியது
வெங்காயம்
இஞ்சி பூண்டு விழுது
எண்ணை தேவையான அளவு
உப்பு - ருசிக் கேற்ப
காய்ந்த மிள்காய் ..கடுகு உளுத்தப் பருப்பு - தாளிக்க
மிளகாய் தூள் - காரத்திற்கேற்ப
மஞ்சள் தூள் - சிறிதளவு

செய்முறை:

முதலில் சிறிது எண்ணெய் விட்டு சூடானபின் கடுகு... உளுத்தப் பருப்பு... மிளகாய் இவற்றை விட்டு வதக்கவும்.

பிறகு வெட்டிவைத்த வெங்காயத்தஒயும் சேர்த்து வெங்காய வாசனை போகும் வரை நன்று வதக்கவும்... கூடவே இஞ்சி பூண்டு விழுதையும் சேர்க்கவும்.

இப்போது வெட்டிவைத்த பாகற்காயை சேர்த்து .. மஞ்சள் தூள் தூவி அரை டம்ளர் நீர் சேர்த்து 5 நிமிடங்கள் மூடி வேக விடவும்.

இப்போ மிளகாய்த்தூள், ருசிக்கேற்ப உப்பு சேர்த்து அடிபிடிக்காத வாறு கிளறிவிட்டுக் கொண்டே இருக்கவும்.

நல்லா வதங்கிய பின் பார்த்தால்... நம்ம பாகற்காய் தொக்குவானது ரெடியாக சுடச்சுட இருக்கும்

இதனை தோசை... சப்பாத்தி... அரிசி சோறு .. எதுவானானும் சேர்த்து சாப்பிட சுவையாக இருக்கும்..

பாகற்காய் உடலுக்கும் மிகவும் நன்னை பயக்கும்.

ரசமாலை

2009-08-10T06:09:00.000-07:00

செய்முறை:

பால் 1 லீட்டர்
சீனி 500 கி
பன்னீர் 250 கி
குங்குமபூ கொஞ்சமாக
பாதாம் பருப்பு சிறிதாக வெட்டியது 3 தே.க
பிஸ்டாஜ்ஸிஜோஸ் சிறிதாக வெட்டியது 3 தே.க
ஏலக்காய் தூள் 1/2 தே.க

1. ஒரு பாத்திரத்தில் 250 கிராம் சீனியையும்,நீரும் சேர்த்து குறைந்த வெப்பத்தில் கொதிக்க வையுங்க.
2. இன்னோர் பாத்திரத்தில் பாலையும், மீதியிருக்கும் சீனியையும் கலந்து குறைந்த வெப்பத்தில் கொதிக்க வைக்கவும். பால் கொதித்து அரைவாசி ஆகும் வரை அடுப்பில் இருந்து இறக்க வேண்டாம்.
3. பால் பாதியானதும் அதில் ஏலக்காய் பொடி, வெட்டிய பருப்புகள் மற்றும் குங்குமப்பூ சேர்த்து நன்றாக கலக்கி அடுப்பில் இருந்து இறக்குங்க.
4. பன்னீரை எடுத்து சிறு உருண்டைகளாக்கி சற்று அமத்தினால் சரியான வடிவம் கிடைத்துவிடும்.
5. இவ்வுருண்டைகளை கொதித்து கொண்டிருக்கும் சீனியில் போட்டு 10 நிமிடங்களுக்கு அவித்து எடுங்க. அவிக்கும் போது பாத்திரம் மூடியிருக்க வேண்டும்.
6. 10 நிமிடத்தில் பன்னீரை வெளியே எடுத்து வையுங்க. சீனிகரைசல் வடிவதற்கு சிறிது நேரம் குடுங்கள்.
7. ஏற்கனவே கொதிக்க வைத்த பாலில் பன்னீர் உருண்டைகளை போட்டு மேலும் 4-5 நிமிடங்களுக்கு கொதிக்க வையுங்க.
8. 4-5 நிமிடங்களின் பின்னர் அடுப்பில் இருந்து இறக்கி, ஆறவிடுங்க. சிலர் சிறிது சூடாக இருக்கும் போது சாப்பிடுவார்களாம். பெரும்பாலானோர் சூடு ஆறியதும் 5 மணித்தியாலங்களுக்கு குளிர்சாதன பெட்டியில் வைத்த பின்னர் சாப்பிடுவார்களாம். எது எப்படியோ கஸ்டபட்டு செய்ததை சாப்பிட்டால் சரி தான்.

குறிப்புகள்:
1. கொதிக்கும் சீனி கலவைக்கு எப்போதும் மதிப்பு குடுங்க.
2. சீனிகரைசலில் அவித்த பன்னீரே சுவையாக இருக்கும். வீட்டில் அண்ணன், தம்பி இருந்தால் சற்று கவனமாக இருக்கவும். பாலில் போடா முன்னரே பாதி பன்னீரை நான் இழந்துவிட்டேன்.
3. பால், சீனி என பயங்கரமா இருக்கு. அடிக்கடி செய்து சாப்பிடாதிங்க.

இப்படியெல்லாம் அழைக்கலாம்:
ரஸ் மலய்
ரஸ் மலாய்
ரசமலாய்
ரசமாலை

டயமன்ட் பர்பி

2009-08-10T06:06:00.000-07:00

தேவையான பொருட்கள்:
கச்சான் - 1 கப்
சீனி - 1 1/2 கப்
பால் - 1 1/2 கப்
தட்டிற்கு போடுவதற்கு கொஞ்சமா நெய்

செய்முறை:
1. பச்சை கச்சானை வறுத்து தோலுறித்தி எடுத்து கொள்ளனும்.
2. பாலில் கச்சானை 2 மணித்தியாலங்களுக்கு ஊற வைக்க வேணும்.
3. பாலையும், கச்சானையும் நன்றாக அரைத்தெடுக்கணும்.
4. ஒரு சட்டியில் அரைத்த விழுதையும், சீனியையும் போட்டு கிளற ஆரம்பிக்கணும்.
5. விடாமல் கிளறிக்கொண்டே இருக்கும் போது, கலவை உருண்டு வரும். உடனே நெய் பூசிய ஒரு தட்டில் போட்டு தட்டி எடுக்கணும்.
6. பின்னர் வேண்டியபடி வெட்டி எடுக்கலாம். டயமன்டா வெட்டி எடுத்தா அதுக்கு பேர் தான் "டயமன்ட் பர்பி"

கவனிக்க வேண்டியவை:
* கலவை கொதிக்கும் போது சற்றே தள்ளி நின்று கிளறுங்க.
* இனிப்பு அதிகம் என்பதல் அளவோடு உண்ணவும்.

நன்றி:
கிமீக்கா

புரியாணி

2009-08-08T18:20:00.000-07:00

சிக்கன் புரியாணி

தேவையான பொருட்கள்:
பக் ப்க் - 1 கிலோ
பசுமதி அரிசி - 1 கிலோ
வெங்காயம் - 2
தயிர் - 1 கப்
இஞ்சி+உள்ளி(வெள்ளைபூண்டு)) விழுது - 1 தே.க
மஞ்சள் தூள் - 1 தே.க
மிளகாய் தூள் - 1 மே.க
கஸு நட்ஸ் - 15
தேங்காய் பால் - 1 கப்
தேங்காய் தூள் - 1 மே.க
சின்ன சீரகம் -- 1 தே.க
ஏலக்காய் - 3
கராம்பு - கொஞ்சம்
கராம் மசாலா தூள் - 1 தே.க
பே இலைகள் - 5 (அது பேய் அல்ல)
மல்லி தளை - 1 கப்
எண்ணெய்/ வெண்ணெய் (யாரையும் குறிப்பிடவில்லை)
உப்பு தேவைக்கேற்ப(வெட்கம், ரோசம் குறைந்தவர்கள், அதிகமாக சேர்க்கலாம், தப்பில்லை)

செய்முறை:
* இறைச்சியை சுத்தம் செய்து, தயிர், உப்பு, தூள்கள் போட்டு கலக்கி 1 மணித்தியாலத்திற்கு ஊற வைக்கவும்.

1. வெங்காயங்களை சுத்தமாக்கி, நீள வாக்கில் வெட்டி எடுக்கவும்.

2. எரியும் அடுப்பில், ஒரு சட்டியை வைத்து, எண்ணெய் ஊற்றி சிறிது சூடாக்கவும்.

3. அதனும் மேற்கூறிய அனைத்து ஸ்பைஸயும் போடலாம். (மல்லிதூள், கராம்பு, ஏலக்க்காய், பே இலை). 2 நிமிடங்களுக்கு நன்றாக கிளறவும். (சட்டி கந்தலாகும் வாய்ப்புகள் அதிகம்)

4. பின்னர் அதனுள் 1 வெங்காயத்தை போட்டு பொன்னிறமாகும் வரை வதக்கவும்.

5. அதனுள் ஏற்கனவே நாம் 1மணித்தியாலம் ஊற வைத்த இறைச்சியை போட்டு 20 நிமிடங்களுக்கு கொதிக்க விடவும்.

6.இப்பொழுது அரிசியை எடுட்த்து அரைப்பதம் வேகும் வரை உப்பு சேர்த்து அவிக்கவும். (ரைஸ்குக்கரில் போட்டால் இலகு)

7. சிறிதளவு நெய்யிலோ/ எண்ணெயிலோ அடுத்த வெங்காயத்தை பொன்னிறமாகக பொறித்தெடுக்கவும். அதே போல கஸு நட்சையும் பொறிக்கவும்.

8. இப்பொழுது 20 நிமிடம் போய் கறி என்று சொல்ல கூடய அளவில் ஒரு உணவு சட்டியில் இருக்க வேண்டும். அதற்கும் தேங்காய் பால் மாவையும், கராம் மசாலாவையும் போட்டு கலக்கி, 2 நிமிடம் கொதிக்கவிட்டு சட்டியை அடுப்பில் இருந்து இறக்கவும்.

* ஒவனை போட்டு 180 ல விட்டுவிடுங்க.அது பாட்டுக்கு கொஞ்ச நேரம் இருக்கட்டும்.

9. ஒரு தட்டையான பாத்திரத்தில் (ஒவனில் வைக்க கூடிய) பாதி சாதத்தை கொட்டி பரப்பவும்.

10. அதன் மேல் கறியில் பாதி, பின்னர் சாதம், பின்னர் கறி & இறுதியாக சாதத்தை கொட்டி பரப்பவும்.

11. அதன் மேல் பொறித்த வெங்காயம், கஸு நட்ஸ், மல்லி இலையை சேர்த்து, தேங்காய் பாலை ஊற்றவும்.

12. ஏற்கனவே போட்ட ஒவனில் 15 நிமிடங்கள் வைத்து எடுக்கவும்.

13.இப்பொழுது நன்றாக கலக்கி அவித்த முட்டையுடன் பரிமாறாலாம். (அல்லது நீங்களே சாப்பிடலாம்.அது உங்க இஸ்டம்)

சர்க்கரை பொங்கல்

2009-08-08T18:18:00.000-07:00

தேவையான பொருட்கள்:
அரிசி = 1 பேணி
வறுத்த பாசி பயறு = 1/3 பேணி
சர்க்கரை = 1 பேணி
தேங்காய் பால் = இ பேணி
நீர் = 3 பேணி
Cashewnuts = 2 மே.க
Raisins = 2 மே.க

செய்முறை:
1. பொங்கல் பானையில் நீரை விட்டு கொதிக்க விடவும். நீர் கொதித்து வரும் போது அதில் பாலை சேர்க்கவும்.

2. பால் பொங்கியதும், ஏற்கனவே சுத்தப்படுத்தி, நீரில் கழுவிய அரிசியை போடவும். அரிசி அரை பதத்திற்கு வெந்ததும் அதில் சர்க்கரையை சேர்க்கவும். [சர்க்கரையை நீரிலோ பாலிலொ கரைத்துவிடுவது நல்லது] பாலும், சர்க்கரையும் சேர்ந்த பின்னர் அடுப்பின் வெப்பத்தை குறைக்கவும். தூய்ந்து போவதற்கு சாத்தியங்கள் அதிகம். ஆகவே அடிக்கடி அகப்பையால் கிளறிவிடவும்.

3. அரிசி நன்றாக வெந்ததும், அதில் நெய்யையும் Cashewnuts & Raisins யும் சேர்த்து கிளறி அடுப்பின் இருந்து இறக்கவும்.

சுவையான சர்க்கரை பொங்கல் ஆயத்தம். சாமிக்கு படைக்காமல் சாப்பிட்டால் பாவம் கிடைக்கும்!

எள்ளுருண்டை

2009-08-08T18:16:00.000-07:00

எங்க ஊர்ல எள்ளுருண்டை மிகவும் பிரபலம். ஊர் கதையை கொஞ்சம் நிறுத்திவிட்டு புலம்பெயர் நாடுகளில் பார்க்கலாமே. எந்த ஒரு ஈழத்து கடைக்கு சென்றாலும் அங்கு எள்ளுருண்டை இல்லாமல் போகாது. இன்று தனது பிறந்த நாளை கொண்டாடும் அன்பு சகோதரன் ஆயில்யனுக்காக இந்த இனிப்பு /பதிவு:

தேவையான பொருட்கள்

எள் 1/4 கிலோகிராம்
சீனி 1/4 கிலோகிராம்
மாஜரின் 2 தே.க
அப்ப சோடா 2 சிட்டிகை

செய்முறை:
1. எள்ளை பொன்னிறமாக வறுத்து எடுத்து கொள்ள வேண்டும்.
2. எள் ஆறி கொண்டிருக்கும் வேளையில் ஒரு தட்டிற்கு மாஜரின் பூசி வைத்து கொள்ள வேண்டும். [தட்டில் கொட்டி வெட்டுவதாக இருந்தால்.]
3. அடுத்து ஒரு சட்டியில் சீனியை போட்டு இடைவிடாது வறுக்க ஆரம்பியுங்கள்.
4. சிறிது நேரத்தில் சீனி முழுவதும் இளகி பாகாக வரும். அப்போது அதனுள் 1 தே.க மாஜரீன், அப்பச்சோடா ஆகியவற்றை போட்டு நன்றாக கலந்து கொள்ள வேண்டும்.
5. பின்பு சீனி பாகில் எள்ளை சிறிது சிறிதாக தூவி நன்றாக கிளறியெடுக்கவும். சீனி பாகு சமனாக போட்ட எள்ளில் இருக்க வேண்டும்.
6. உடனடியாக அடுப்பில் இருந்து இறக்கி, சின்ன உருண்டைகளாக பிடித்து கொள்ளுங்கள். உருண்டைக்கு பதிலாக, மாஜரின் பூசிய தட்டில் கொட்டி அமத்தி, துண்டுகளாக வெட்டயெடுக்கலாம்.

சீனி = Sugar

பி.கு:
1. உருண்டை பிடிக்கும் போது கொஞ்சம் மாஜரினை தொட்டு பிடித்தல் கையில் ஒட்டாமல் இருக்கும்.

2. உருண்டையை உங்களுக்கு வேண்டிய அளவில் பிடிக்கலாம்.

கச்சான் அல்வா

2009-08-08T18:15:00.001-07:00

தேவையான பொருட்கள்:
கச்சான் முத்து 1/4 கிலோகிராம்
சீனி 1/4 கிலோகிராம்
மாஜரின் 2 தே.க
அப்ப சோடா 2 சிட்டிகை
கோதுமை மா 2 தே.க

செய்முறை:

1. கச்சான் முத்தை பொன்னிறமாக வறுத்து, ஆறிய பின்னர் கசக்கி புடைத்து பாதி முத்துக்களாக்கி கொள்க.
2. தட்டிற்கு மாஜரின் பூசி வைத்து கொள்க.
3. ஒரு சட்டியில் சீனியை போட்டு இடைவிடாது வறுத்துகொள்ளுங்கள்.
4. சீனி முழுவதும் இளகி பாகாக வரும் போது , அதனுள் 1 தே.க மாஜரீன், அப்பச்சோடா ஆகியவற்றை போட்டு நன்றாக கலந்து கொள்க.
5. பின்பு சீனி பாகில் கச்சான் முத்தை சிறிது சிறிதாக தூவி நன்றாக கிளறியெடுக்கவும்.
6. உடனடியாக அடுப்பில் இருந்து இறக்கி, மாஜரின் பூசிய தட்டில் கொட்டி துண்டுகளாக வெட்டியெடுக்கவும்.

கச்சான் = peanut
சீனி = Sugar

கேசரி

2009-08-08T18:14:00.001-07:00

தேவையான பொருட்கள்:

500 கிராம வறுத்த ரவை
400 கிராம் சீனி (சர்க்கரை)
1/2 தே.க கேசரி தூள் (coloring)
1/2 தே. க ஏலக்காய் தூள்
1 கப் பால்
2 கப் நீர்
Cashew Nuts
2 மே.க Sultanas
பட்டர் / நெய் (உங்களுக்கு எவ்வளவு விருப்பமோ அவ்வளவு)

செய்முறை:
1. சட்டியில் நெய்யை போட்டு சூடாக்கி sultanas போட்டு பொரித்தெடுக்கவும்.
2. அதே சட்டியில் பால், நீர் & கேசரி தூளை போட்டு கொதிக்கவிடவும்.
3. கொதித்து வரும் போது அடுப்பை குறைக்கவும். பின்னர் சிறிது சிறிதாக வறுத்த ரவையை சேர்த்து நன்றாக கிளறவும். (கை வலிக்கும், இரண்டு பேர் என்றால் நல்லம்)
4. ரவையை போட்டதும் சிறிது சிறிதாக சீனியை சேர்க்கவும். உடனேயே நெய்யையும், சுல்டானஸையும், ஏலக்காய் தூளையும் போட்டு நன்றாக கிளறிவிடவும்.
5. நெய் பூசிய தட்டையான பாத்திரம் ஒன்றில் கலவையை கொட்டி பரப்பவும்.
6. விரும்பிய படி வெட்டி, ஒவ்வொரு துண்டிலும் cashew வை பதிக்கவும்.

கிழங்கு ரொட்டி

2009-08-08T18:11:00.000-07:00

வெள்ளிகிழமை என்றாலே எங்க வீட்டில் சிலருக்கு கவலை! பின்னே இன்று அசைவம் கிடைக்காதே. அதனாலேயே வெள்ளிகிழமைகளில் வித்தியாசமாக எதையாவது சமைப்பதுண்டு. இன்று காலையிலேயே கிழங்கு ரொட்டி செய்வது என நினைத்ததை செயல்படுத்தியது கீழே:

ரொட்டி

தேவையானவை:
கோதுமை மா (Plain Flour) - 1 கோப்பை
பட்டர் 1 மே.க
உப்பு தேவைக்கேற்ப

செய்முறை:
1. மா,பட்டர்,உப்புடன் நீர் சேர்த்து நன்றாக குழைத்து எடுங்கள்.
(சாதாரண ரொட்டியின் பதம்)
2. குழைத்த மாவை சில மணித்தியாலங்கள் வையுங்கள்.
(மாலையில் செய்வதென்றால் காலையில் குழையுங்கள்)
3. மாவை சிறு உருண்டைகளாக உருட்டி எடுத்து கொள்ளுங்கள்.

அப்படியே நில்லுங்க, கறியை ஆயத்தம் செய்வோம்...

கறி

தேவையானவை:
உருளை கிழங்கு 2
வெங்காயம் 1
செத்தல் மிளகாய் 2
சீரகம் 1 தே.க
கடுகு 1/2 தே.க
மஞ்சள் தூள் 1/2 தே.க
மிளகாய் தூள் 1 மே.க
கறிவேப்பிலை 10 இலைகள்
உப்பு தேவையான அளவு
தேசிக்காய் புளி உங்கள் சுவைக்கேற்ப

செய்முறை:
1. உருளை கிழங்கு, வெங்காயத்தை தோலுரித்து வெட்டி கொள்ளுங்கள்.
2. ஒரு சட்டியில் சிறிதளவு எண்ணெய் விட்டு, சூடாக்கி கடுகு, சீரகம், கறிவேப்பிலை, வெங்காயம் ஆகியவற்றை முறையே வதக்குங்கள்.
3. வதக்கிய கலவையில் உருளைகிழங்கு, தூள்கள், உப்பு சேர்த்து 1 பேணி நீர் சேர்த்து அவிய விடுங்கள்.
4. கிழங்கு அவிந்து, நீர் வற்றி வந்ததும் அடுப்பில் இருந்து இறக்கி தேசிக்காய் புளி சேர்த்தால் கறி ஆயத்தம் ஆகிவிடும்.

இனி,

மாவை மெல்லிதாக உருட்டி, ஒரு தேவையான அளவு கறியை வைத்து சுற்றுங்கள்.(பெட்டி வடிவம்).
தேசைக்கல்லை சூடாக்கி, ரொட்டியை போட்டு 6 பக்கமும் பொன்னிறமாகும் வரை சுட்டு எடுங்கள்.

தொட்டுக்க:
சட்னி வகைகள்
தக்காளி சோஸ்

அம்புட்டுதான்!

முட்டை சம்பல்

2009-08-08T18:09:00.001-07:00

மலேசியா, சிங்கப்பூருக்கு செல்லும் நேரங்களில் எல்லாம் நான் அதிக நேரம் செலவு செய்வது புத்தகக்கடைகளில் தான். அதுவும் செய்முறை புத்தகங்களில் ஐந்தையாவாது வாங்காமல் வீடு திரும்புவதில்லை. இரு நாட்டிலும் மலே சமையல், சீன சமையல், இந்திய சமையல், இது அனைத்தும் கலந்த ரீ-மிக்ஸ் சமையல் என கிடைக்கும். அதிலும் உடாங் சம்பல் (இறால் சம்பல்), நசி லமக், முட்டை சம்பல் என்றால் யாருக்கு தான் ஆசை இருக்காது. இதில் முட்டை சம்பல் மிக விரைவில் செய்துவிடக்கூடியது. பல முறைகளில் ஒரு முறை இது.

தேவையானவை:
முட்டை - 5
செத்தல் - 3
ஸ்ப்ரிங் ஒனியன் - 3 தடல்
உள்ளி,இஞ்சி விழுது - 1 மே.க
புளி கரைசல் - 1/2 மே.க
சோயா சோஸ் - 3/4 மே.க
Prawn Paste - 3/4 மே.க
எண்ணெய் - 1 மே.க
சீனி - 1 தே.க
உப்பு தேவைக்கேற்ப

1. முட்டையை அவித்து, ஓடுடைத்து வைத்துக்கொள்ளுங்க.
2. செத்தலை நீரில் 10 நிமிடங்களுக்கு ஊறவைத்த பின்னர் நன்றாக அரைத்தெடுத்துக்கணும்.
3. ஸ்ப்ரிங்க் ஒனியனை சிறிதாக அரிந்தெடுத்து, ஒரு பாத்திரத்தில் எண்ணெயை சூடாக்கி, அரிந்ததை போட்டு ஒரு நிமிடத்திற்கு வதக்குங்க.
4. பின்னர் அதில் உள்ளி&இஞ்சி விழுதையும், அரைத்த செத்தலையும் சேர்த்து நன்றாக பச்சை வாசம் போகும் வரை கிளறுங்க.
5. வதங்கி வரும் கலவையில் முதலில் புளி கரைசலையும், பின்னர் சோயா சோஸ், இறால் கலவையை சேர்த்து 30 விநாடிகளுக்கு மட்டிம் கிளறியபின்னர் அவித்த முட்டையை சேர்த்து கலவையை இரண்டு நிமிடங்களுக்கு கொதிக்க விடுங்க.
6. இறுதியாக சிறிதளவு சீனி சேர்த்து, கிளறி உடனடியாக அடுப்பில் இருந்து இறக்கினால் சுவையான முட்டை சம்பல் ஆயத்தம்.

சொற்கள்:
சீனி - சக்கரை - Sugar
உள்ளி - வெள்ளை பூண்டு - Garlic
செத்தல் - காய்ந்த மிளகாய் - Dried chillies

கவனிக்க வேண்டியவை:
* காரம் பிடிக்கலை என்றால் செத்தலின் எண்ணிக்கையை குறைக்கலாம். சாப்பிட வாறவங்கள பிடிக்கலைன்னா செத்தலில் எண்ணிக்கையை அதிகமாக்கலாம் என்றெல்லாம் நான் சொல்லமாட்டேன்
* இறுதியில் விருப்பமென்றால் மல்லி இலைகளை சேர்க்கலாம்.

முட்டை அவிப்பது

2009-08-08T18:06:00.000-07:00

முட்டை அவிப்பது என்பது ஒரு பெரிய கலை. நம்பினாலும், நம்பாட்டிலும் அது தான் உண்மை. அதிகம் அவித்தாலும் பலனில்லை, சிறுது நேரத்தில் எடுத்தாலும் பச்சைவாடை போகாது. அதிகம் அவிப்பதால் சுவையில் வித்தியாசம் வரப்போவதில்லை. ஆனால் சத்து குறைந்துவிடும். முட்டையை அவித்தோ/பொறித்தோ சாப்பிடலாம். சிலர் அப்படியே பச்சையாகவும் சாப்பிடுவார்கள். அது அனைவருக்கும் பொருந்தாது. தவிர அவித்த முட்டையில் தான் ப்ரோட்டின் சத்தின் தாக்கம் அதிகமாக இருக்கும் என்கிறார்கள்.

ஒரு பாத்திரத்தில் நீரை ஊற்றி, அதில் முட்டையை போட்டு அவிக்க வேண்டும். (முட்டையை குளிர்சாதனப்பெட்டியில் வைத்திருந்தால், அறை வெப்பத்திற்கு வந்த பின்னர் தான் அவிக்க வேண்டும். )நீர் கொதிக்க தொடங்கியதும், அரை அவியலாக வேண்டும் எனில் 3 நிமிடங்களிலும், நன்றாக அவிய வேண்டும் எனில் 9 நிமிடங்களிலும் எடுக்கலாம்.

அரை அவியல் எனில், 3 நிமிடத்தில் வெளியே எடுத்து "egg cup" இல் வைக்கவும். மேலிருக்கும் முட்டை ஓட்டை மெதுவாக உடைத்தெடுக்கவும். அதில் உப்புடன் வேண்டிய தூள்களை சேர்த்து சாப்பிடலாம்.

தூள்கள்:
மிளகுதூள்
மிளகு தூள் + சீரகத்தூள்
மிளகு தூள் + சீரகத்தூள் + பப்பரிக்கா தூள்
சீரகத்தூள் + பப்பரிக்கா தூள் + செத்தல்தூள்

நன்றாக அவித்த முட்டை எனில், 9 நிமிடங்களில் வெளியே எடுத்ததும், வெந்நீரை வெளியே கொட்டிவிட்டு, புதிய நீர் சேருங்கள். 2 நிமிடத்தில் ஓட்டை உடைக்கலாம்.

முட்டை பீட்ஸா

2009-08-08T18:04:00.000-07:00

பொதுவா நாம முட்டை பொறியல் செய்யும் போது வெங்காயம், மிளகாயை சின்னதா அரிந்து அதை முட்டையுடன் போட்டு நல்லா அடிச்சு பொரிப்பம். ஆனால் இதில தனி தனியா செய்யனும். அவ்வளவு தான் வித்தியாசம். ஆனால் சுவையில் வித்தியாசம் கட்டாயம இருக்கு.

தேவையானது:
3 முட்டை
1 வெங்காயம்
2 பச்சை மிளகாய்
1 தே.க மிளகுத்தூள்
1/2 தே.க உள்ளி+இஞ்சி விழுது
உப்பு தேவைக்கேற்ப
கறிவேப்பிலை
கொத்தமல்லி இலை [வேணும்னா போட்டுக்கலாம். தப்பில்லை]

செய்ய வேண்டியது:
1. ஒரு சட்டியில் எண்ணெயை சற்றே சூடாக்கி அதில் வெங்காயம், பச்சை மிளகாயை 2 நிமிடன்ங்களுக்கு வதக்குங்க. வதங்கிட்டு இருக்கிற நேரத்தில முட்டையை உடைத்து ஒரு சட்டியில் போட்டு நன்றாக அடித்து வையுங்க. உப்பு உப்பும், மிளகுத்தூளும் முட்டையோடவே சேர்த்திடுங்க.
2. இப்போ அதில உள்ளி+இஞ்சி விழுதை போட்டு பச்சை வாசம் போகும் வரை வதக்குங்க. ஒரு நிமிடம் போதுமானதாக இருக்கும்.
3. ஒரு நிமிடத்தின் பின்னர் வதக்கி வந்த கலவையை சட்டியில் சமபரப்பாக பரவி விடுங்க. அதுக்கு மேலெ முட்டையை ஊற்றுங்க. இந்த நேரத்தில அடுப்பின் சூட்டை முடிந்த அளவு குறைக்க வேணும். அதோட மறக்காம மூடியால மூடுங்க.
4. அரிந்த கறிவேப்பிலையையோ அல்லது கொத்தமல்லி இலையையோ கொஞ்சமா மேலே தூவிடுங்க. மேலே தூவ பிடிக்காட்டி, முட்டையோட முதலே சேர்க்கலாம். அது உங்க இஸ்டம்.
5. இரண்டிலிருந்து நான்கு நிமிடத்தில் முட்டை நன்றாக வெந்திடும். பக்கம் திருப்ப வேண்டிய அவசியமே இல்லை. அடுப்பை அணைத்த பின்னர் pizza wedges போல வெட்டி எடுத்துக்குங்க.

என்னோட அண்ணாக்கு மிளகின் சுவை பிடிக்கும் என்றதால மேலேயும் தூவியிருக்கேன். அப்படி தூவாமல் இருக்கும் போது பார்ப்பதற்கு இன்னும் அழகாகவும் இருக்கும். எப்பவுமே ஒரே போல முட்டை பொரியல் செய்யாமல், இப்படி வித்தியாசமாகவும் செய்து பார்க்கலாமே. சுவையும் வித்தியாசமாக இருக்கும். சாப்பிட்டவர்கள் நன்றாகவே இருப்பதால் நம்பி செய்யலாம் என "நினைக்கிறேன்

முட்டை & சோயா பொரியல்

2009-08-08T18:01:00.000-07:00

'ஆகா பார்ப்பதற்கு எறி குண்டு போல இருக்கே, எடுத்து எறியலாமா' என நினைக்கும் உங்கள் மனதிற்கு ஒரு கடிவாளம் இடுங்கள். [என் சமையல்கட்டிற்கு வந்தாலே உங்களில் சிலருக்கு இப்படியெல்லாம் தோன்றுமே!] ஆனால் இதன் சுவை அறிந்தால் எறியமாட்டீர்கள்...எறிந்தாலும் பிடித்து கொள்பவர் அதிஸ்டசாலி

பொதுவாக நாம் முட்டை பாதிக்கு உருளைகிழங்கோடு சேர்த்த மீன்/இறைச்சி/காய்கறி கறி ஒன்றை வைத்து மறுபாதியாக்குவதுண்டு. [இது சமைக்கிறவைக்கு மட்டும் தான் தெரியும். என்ன ஏது என கேட்காமல் கணக்கே இல்லாமல் சாப்பிடுறவங்களுக்கு புரிவது கடினம் தான்.கிகிகி] உருளைக்கிழங்கை தவிர்க்கலாமே என நினைத்து சோயாவில் மட்டும் செய்து பார்த்தேன். நன்றாகத்தான் வந்தது. என்ன, சோயாகலவைக்கு கொஞ்சம் காரம் அதிகமாக இருக்க வேண்டும்.

தேவையானவை:
முட்டை 11
Bread Crumbs 1 கோப்பை
எண்ணெய் - பொரிக்க

சோயாகறிக்கு:
சோயா 1 கோப்பை
வெங்காயம் 1
பச்சை மிளகாய் 2
மிளகாய் தூள் 1 மே.க
மஞ்சள் தூள் 1/4 மே.க
கடுகு 1/2 தே.க
பெரும் சீரகம் 1/2 தே.க
கறிவேப்பிலை 2 மே.க
உப்பு தேவையான அளவு

செய்முறை:
1. 10 முட்டைகளை வேக வைத்து, ஓடை உடைத்து, பாதியாக வெட்டி கொள்ளுங்கள்.
2. சோயா கறிக்கு:
அ) சோயாவை கொதிநீரில் 5 நிமிடங்களுக்கு ஊறவிட்டு, நீரை வடித்து எடுத்து கொள்ளுங்கள்.
ஆ) வெங்காயம், மிளகாயை சிறிதாக அரிந்து கொள்ளுங்கள்.
இ) ஒரு சட்டியில் சிறிதளவு எண்ணெய் சேர்த்து சூடு ஏறும் போது கடுகு, சீரகம், வெங்காயம், மிளகாய், கறிவேப்பிலை, உப்பு, தூள்களை முறையே சேர்த்து நன்றாக வதக்குங்கள். வெங்காயம் நன்றாக வதங்கியதும் அதில் சோயாவை சேர்த்து நன்றாக கிளறி விடுங்கள்.
3. பாதி முட்டைக்கு எலுமிச்சை பழம் அளவு உருண்டை கறியை எடுத்து முட்டையின் மறுபாதி ஆக்குங்கள்.
4. உருட்டிய உருண்டையகளை அடித்த முட்டையில் போட்டு எடுத்து, பின்னர் ப்ரட் க்ரம்ஸில் உருட்டி எடுங்கள்.
5. அளவான சூடு கொண்ட எண்ணெயில் பொரித்து எடுங்கள்.

ஜோடி: தக்காளி சோஸ்

கவனிக்க வேண்டியவை:

1. காரத்தை கூட்டி குறைக்கலாம்.
2. அவித்த முட்டையின் மஞ்சள் பகுதியை எடுத்து சோயா கறி கிளறும் போது சேர்த்து கிளறலாம்.
3. சோயா தனியேவா என நினைப்பவர்கள் ஒரு கரட்டை சீவி சேர்த்து கொள்ளுங்கள்.
4. 50:50 என பெயர் சூட்டிய பெருமை என்னை மட்டுமே சேரும்.

மீன் வறுவல்

2009-08-08T17:59:00.000-07:00

தேவையானவை:
குட்டி மீன்
மிளகாய் தூள் 1/2 தே.க
மஞ்சள் தூள் 1/4 தே.க
உப்பு தேவைக்கேற்ப
எண்ணெய் பொரிக்க

செய்முறை:
1. மீனை வெட்டி, சுத்தம் செய்து எடுத்துக்குங்க.
2. வெட்டிய மீனுக்கு மேற்கூறிய தூள்களையும், உப்பையும் போட்டு நன்றாக பிரட்டி கொஞ்ச நேரம் வையுங்க. [அவசரம் என்றால் உடனே பொரிக்கலாம்]
3. எண்ணெயை சூடாக்கி மீன்களை போட்டு பொரித்தெடுங்கள்.[இரண்டு பக்கமும் திருப்பி பொரிக்க வேண்டும்]

நண்டு Curry

2009-08-08T17:56:00.000-07:00

வீட்டில் வெட்டி, சுத்தம் செய்த நண்டை தான் நான் அகப்பையாலே சமைப்பதுண்டு. பின்ன, தொட்டால் ஒட்டிக்கும்ல. கோவம்னா கோவம் தான். அதனாலோ என்னமோ நண்டில் இருக்கும் அத்தனை செய்முறைகளையும் சோதித்து, நண்டையும், உண்பவர்களையும் சோதிப்பதுண்டு.

இனி உங்களுக்கான சோதனை:

தேவையானவை:
நண்டு 1
முருங்கை இலை 1 பேணி
வெங்காயம் 1
பச்சை மிளகாய் 3
மிளகாய் தூள் 2 மே.க
மஞ்சள் தூள் 1/2 தே.க
பெரும்சீரகம் 2 தே.க
மல்லி தூள் 1/2 மே.க
தேங்காய் பால் 1/2 பேணி
கறுவா துண்டு 1
அரைத்த உள்ளி 4

செய்முறை:
1. நண்டை வெட்டி, சுத்தம் செய்து எடுங்கள். [கோவம்னா, வீட்டில யாராயாச்சும் வெட்ட சொல்லுங்க]
2. ஒரு சட்டியில் சிறிதளவு எண்ணெய் சேர்த்து வெங்காயம், மிளகாய், உள்ளியை பச்சை வாசம் போகும் வரை வதக்குங்கள்.
3. இன்னொரு சட்டியில் சீரகம்,கறுவா வாசம் வரும் வரை வறுத்தெடுங்கள்.
4. மேற்கூறிய இரண்டையும் நண்டோடும், முருங்கை இலையையும் ஒன்று சேர்த்து சிறிதளவு நீரில் அவியுங்கள். நீர் கொதிக்க ஆரம்பித்ததும் தூள்களையும், உப்பையும் மறக்காமல் சேருங்கள்.
5. நண்டு அவிந்ததும் [சிவப்பாகும்], தேங்காய் பாலை ஊற்றி கொதிக்க வைத்து இறக்குங்கள்.

குறிப்பு:
1. கறிவேப்பிலை சேர்க்கலாம்.
2. நண்டு சூடாம், அதனால் தான் முருங்கை இலையாம். Cool down படத்தில் முருங்கை இலையை தேடாதிங்க. [நான் போடலையாக்கும்]
3. தேங்காய் பாலை தவிர்த்து பசும்பால்/ சோய் பால் சேர்க்கலாம்.
4. உறைப்பு அதிகம் வேணும் என்றால் மிளகாய்தூளை அதிகமாக்குங்க.
5. நண்டு விரும்பிகளுக்கு:

The average blue crab contains about 2 ounces (57g) of meat, depending on its size. On average, meat yield is 14% of whole crab weight.

Crab meat is an excellent source of high quality protein, vitamins, and minerals that are needed for good nutrition. Crab meat is an excellent source of phosphorus, zinc, copper, calcium, and iron and is very low in fat, especially saturated fat. For a complete nutritional analysis, click here.

Crab meat is also somewhat high in cholesterol which can also raise your blood cholesterol level. Most major health organizations, such as the American Heart Association, recommend a daily limit of 300mg. It is important to note that saturated fatty acids are the chief culprit in raising blood cholesterol levels and that crab meat is very low in fat, and especially low in saturated fat. Consult your doctor or dietitian if you are on a very restricted diet.

http://www.bluecrab.info/nutrition.htm

வெங்காய பகோடா

2009-08-08T17:49:00.002-07:00

வெங்காய பகோடா

தேவையான பொருட்கள்:

கடலை மா - 250 கிராம்
வெள்ளை அரிசி மா- 150 கிராம்
வெங்காயம் - 2
மிளகாய் - 2
கறிவேப்பிலை - 2 மே.க
உப்பு - தேவைக்கேற்ப
அப்பச் சோடா -

செய்முறை:
1. வெங்காயத்தை நீளவாக்கில் நறுக்கவும். மிளகாயையும், உள்ளியையும் அரைத்தெடுக்கவும்.

2.இரண்டு மாவையும் சேர்த்து நன்றாக சலித்தெடுக்கவும். இதில் உப்பு, அரைத்த மிளகாய், உள்ளி, வெட்டிய வெங்காயம் மற்றும் அப்பச்சோடா சேர்த்து கலக்கவும்.

3.எண்ணெயை சூடாக்கவும். இந்த எண்ணெயில் இரண்டு கரண்டி எடுத்து மாவில்விட்டு கலக்கவும். (நீர் சேர்க்க வேண்டாம்)

4.எண்ணெயை சூடாக்கி, மாவை போட்டு பொன்னிறமாகும் வரை பொரிக்கவும். இறுதியில் கறி வேப்பிலையையும் பொறித்து பகோடாவில் போட்டு கலக்கவும்.

[ பகோடா போடும் முறை - தூளாக போட வேண்டாம். உருவங்கள் எதுவும் குடுக்க வேண்டிய அவசியம் இல்லை. கைகளால் பிசையும் போது வரும் சிறு சிறு துண்டுகளையே போட்டால் சரியானதாக இருக்கும்.]

உளுந்துவடை

2009-08-08T17:49:00.001-07:00

எம்மில் சின்ன வயதில் இந்த கதையை கேட்காதவர்கள் இருப்பார்கள் என எனக்கு தோன்றவில்லை. அத்தனை பிரபலம். அதிலும் வீட்டில் எனக்கு இந்த கதையை சொன்ன போது, "நரி ஏன் காக்காவை பாட சொல்லி கேட்குது, கீழ இருந்து ஒரு துவக்கால சுட வேண்டியது தானே" என கூறி காகங்களின் முழு சாபத்திற்கும் ஆளகியிருக்கேன். அதை வைத்து இன்று வரை என்னை கலாய்ப்போர் எண்ணிக்கையும் குறையவேயில்லை.

உளுந்துவடை பார்ப்பதற்கு சாதரணமாக இருக்கலாம். நினைத்த நேரத்தில் சாப்பிடும் அளவிற்கு கிடைக்க கூடிய ஒரு உணவு பதார்த்தமாக இருக்கலாம். ஆனால் மாவை எடுத்து அதற்கு இப்படி ஒரு உருவம் குடுப்பதென்பது எளிதான காரியம் இல்லை. நான் 10-15 மா உருண்டைகளை பாழடித்து தான் படத்தில் இருக்கும் நிலைக்கு மாவை கொண்டு வர பழகி கொண்டேன்.

தேவையான பொருட்கள்:

உளுந்து - 1 கப்
வெந்தயம் - 2 மே.க
வெங்காயம் - 2
மிளகாய் - 2
பெரும் சீரகம் - 1/2 மே.க
கறிவேப்பிலை - 2 மே.க
உப்பு - தேவைக்கேற்ப

செய்முறை:

1. உளுந்தையும், வெந்தயத்தையும் நீரில் போட்டு 5-8 மணித்தியாலங்களுக்கு ஊற வைக்கவும். பின்னர் நன்றாக மென்மையாக வரும் வரை அரைத்தெடுக்கவும்.

2. வெங்காயம், மிளகாய், கறிவேப்பிலையை சிறிதாக அரிந்து, அரைத்த மாவுடன் சேர்த்து நன்றாக கலக்கவும். இப்போ மறக்காமல் பெரும்சீரகத்தையும் சேர்க்க வேண்டும்.

3. இந்த கலவையில் தேவைக்கு ஏற்ப உப்பையும் மறக்காமல் சேருங்கள். இல்லை என்றால்

4. எண்ணெயை சூடாக்கி, மாவை போட்டு பொன்னிறமாகும் வரை பொரித்தெடுக்கவும். வடை போடும் முறை - தேசிக்காய் அளவு மாவை எடுத்து, வட்டமாக உருட்டவும். உள்ளங்கையில் அந்த உருண்டையை வைத்து கொஞ்சம் தட்டையாக்கி, ஒரு கைவிரலால் சிறிய ஓட்டையை நடுவில் போடவும்.

thyaa

கேரள மீன் குழம்பு

2009-08-08T17:34:00.000-07:00

பழைய சாதமும் பழைய மீன் குழம்பும் சாப்பிடுற சுகம் வேறு எதற்கு வரும் என்ற வரிகள் அடிக்கடி என் காதில் விழும். அட அப்படி அதில் என்ன தான் இருக்கு என முயற்சித்து பார்த்தேன். சும்மா சொல்ல கூடாது, சுவையோ சுவைதான் போங்க. (இருக்காத பின்ன, மீனை வெட்டி,சுத்தம் பண்ணுறது நாங்க தானே என வீட்டில் மாமா முணுமுணுப்பதையெல்லாம் சொல்லிட்டா இருக்க முடியும்)

என்னுடைய நெடுநாள் வலைப்பூ நண்பர் தீபக் கேரளா மாநிலத்தை சேர்ந்தவர். சமையலில் என் ஆர்வம் பார்த்து, கேரள சமையல் குறிப்புகள் பலவற்றை தந்துள்ளார். அவற்றிலிருந்து சிலவற்றை முயற்சித்து பார்த்து வருகின்றேன். (இந்த மாதம், கேரளா உணவு மாதம்) அதில் முதல் முயற்சி தான் இந்த கேரள மீன் குழம்பு. எங்களுடைய மீன் குழம்போடு ஒப்பிட்டு பார்க்கும் போது, சுவை கொஞ்சம் வித்தியாசமாக இருந்தது. வீட்டில் அனைவரும் விரும்பி உண்டனர். (இப்படி சொன்னால் தானே நீங்களும் யான் பெற்ற இன்பத்தை பெறுவீர்கள்)

தேவையானவை:
கறிமீன் - 1/2 கிலோ
வினாகிரி - கொஞ்சமா
தேங்காய் எண்ணெய் - 2 மே.க
கடுகு - 1/2 tsp
கறிவேப்பிலை - 20 இலைகள்
வெங்காயம் - 1
இஞ்சி- 1" துண்டு
உள்ளி - 6
பச்சைமிளகாய் - 2
மிளகாய் தூள் - 1 மே.க
மல்லி தூள் - 2 மே.க
மஞ்சள் தூள் - 1/2 தே.க
வெந்தயம் - 1/2 தே.க
புளி கரைசல் - 1/2 தே.க
தக்காளி - 1
உப்பு தேவையான அளவு

செய்ய வேண்டியது:
1. ஒரு பாத்திரத்தில் நீரை எடுத்து, அதில் வினாகிரியையும் 1/2கப் உப்பையும் சேர்க்கவும். அதில் மீனை 15 நிமிடங்கள் வரை ஊறவைக்கவும். பின்னர் வெளியே எடுத்து சிறு துண்டுகளாக வெட்டி எடுக்கவும்.
2. இன்னொரு சட்டியை அடுப்பில் வைத்து, அதில் எண்ணெய் போட்டு கொத்திததும், அதில் கடுகை போடவும், தொடர்ந்து கறிவேப்பிலை, இஞ்சி, உள்ளியை சேர்த்து பச்சை வாசம் போகும் வரை வதக்கவும்.
3. அடுத்து வெங்காயத்தை போட்டு பொன்னிறமாகும் வரை வதக்கவும். தொடர்ந்து தக்காளியை சேர்த்து வதக்கவும்.
4. தக்காளி வதங்கி வந்ததும் மேற்கூறிய தூள்களை சேர்த்து தூள் வாசம் போகும் வரை கிளறவும்.
5. கலவையில் நீர், புளிகரைசல், உப்பை சேர்த்து கொதி நிலைக்கு (சாப்பிடுபவர்களை அல்ல) கொண்டுவரவும்.
6. கலவை கொதித்ததும் அதில் மீன் துண்டுகளை போட்டு 2 நிமிடங்கள் வரை மெதுவான சூட்டில் வைக்கவும்.
7. இன்னோர் சட்டியில் சிறிதளவு எண்ணெயை சூடாக்கி, அதில் வெந்தயத்தை போட்டு தாளிக்கவும்.
8. தாளித்த வெந்தயத்தை குழம்பில் சேர்த்து கிளறவும். மேலும் 10-15 நிமிடங்களுக்கு மெதுவான சூட்டில் வைத்து இறக்கினால் சுவையான கேரளாமீன் குழம்பு ஆயத்தமாகிவிடும்.